Idrettsministrane i EU møtte til sitt første ministerråd denne veka. Her blei det semje om å utforma felles politikk for å styrkja den sosiale rolla og verdiane til idretten. I tillegg skal ein arbeida mot rasisme, vald og doping.
No skal det utformast ei erklæring basert på følgjande prinsipp:
- Fremja den sosiale og utdannande funksjonen til idrett.
- Støtta friviljug arbeid og sikra berekraftig finansiering.
- Arbeida mot diskriminering.
- Arbeida mot doping.
- Styrkja dialog og samarbeid innan sportsverda og organisasjonane.
Erklæringa er venta i november, slik at EU kan bli samde om felles politikk på området i 2011.
Den spanske idrettsministeren som leidde møtet samanlikna avviklinga med at idretten endeleg spelar i «EUs Champions League».
