«- This is the first time in history that the EU makes use of enhanced cooperation» uttala justiskommisær Viviane Reding fredag, etter at Rådet hadde teke avgjerda om å gå vidare i arbeidet med felles skilsmissereglar utan at alle medlemslanda er med.
Avgjerda i ministerrådet inneber at 14 medlemsland søkjer felles lovgjeving for par av ulike nasjonalitetar, eller par som bur saman i eit anna land enn heimlandet. Målet er at dei fritt skal få velja det juridiske systemet der dei ønskjer å fullføra eventuell separasjon eller skilsmisse.
EU-reglar tillet at nærmare samarbeid kan brukast av minst ni medlemsland for å gå vidare med nye regler på viktige område, når samrøystes vedtak er blokkert av eit mindretal av medlemsstatane. Andre EU-land kan koma til seinare.
Kritikarar har tidlegare åtvara om at utviklinga vil skapa eit «two-speed Europe».
