EU-organet European Industrial Relations Observatory har laga ein oversikt over arbeidskonfliktar i EU-landa pluss Noreg i perioden 2005-2009.
Danskane streika mest i femårsperioden, etterfølgd av franskmenn og belgiarar. Det blei streika minst i Austerrike, Estland og Latvia, og det blei generelt streika mindre i nye EU-land enn i dei gamle. Lønnsspørsmål var den vanlegaste årsaka til konfliktane.
«Det er en myte, at vi har et fredsommeligt arbejdsmarked i forhold til andre lande» skriv danske Ugebrevet A4 i ein kommentar til EU-oversikten. Medan den danske fagrørsla heller fokuserer på at færre streika i Europa i 2009 etter kriseåret i 2008.
