Kommisjonen ønskjer å reformera regleverket knytt til offentlege innkjøp, og presenterte ny grønbok om dette 27. januar. Målet er å gjera det enklare for styresmaktene og selskap som leverer anbod på kontraktar, mellom anna for små og mellomstore bedrifter. Kommisjonen ønskjer også å gjera innkjøpsprosessane grønare og meir opne for innovasjon.
Samtidig blei det lansert ei høyring om regelverket, verktøy og metodane rundt offentlege innkjøp. Høyringsfristen er 18. april.
Offentlege innkjøp utgjer 17 prosent av BNP i EU, og spelar ei nøkkelrolle i ”Europa 2020”-strategien.
EurActiv har skrive om saka: «EU moves towards reform of public procurement.»
