EU-kommisjonen førebur tiltak for å hjelpa italienske styresmakter med å handtera flyktningsituasjonen som har oppstått på den italienske øya Lampedusa.
Italienske styresmakter har kritisert EU for manglande bistand, noko som blei avvist av EUs innanrikskommissær Cecilia Malmström 14. februar. Malmström skal vera i kontakt med både grensekontrollbyrået Frontex og det nye støttekontoret for asylsaker (EASO) om korleis dei kan hjelpa situasjonen.
Fleire av dei over 4000 flyktningane som har kome til øya dei siste dagane skal vera tunisiske statsborgarar. Også Malta fryktar at dei kan bli landingsstad for den aukande flyktningstraumen.
