Bulgaria og Romania må venta til hausten før landa kan bli tatt inn i det pass- og visumfrie Schengen-området, det bestemte Rådet førre veke.
Det er særleg frykta for korrupsjon som gjer at mellom anna Frankrike, Nederland og Tyskland blokkerer Schengen-utvidinga.
Både Europakommisjonen og Europaparlamentet hadde i forkant av rådsmøtet kome med positive innstillingar til utviding.
Utsetjinga kan sjåast som eit nederlag for den ungarske formannskapen, som har hatt dette som ei av sine prioriterte saker denne våren. Det er venta at ein skal koma tilbake til saka seinast i september, då under polsk formannskap, som også er blant tilhengarane av bulgarsk og rumensk Schengen-medlemskap.
14. juni fekk skeptikarane til Schengen-utvidinga støtte av Europol, som åtvarar mot ulovleg innvandring: «Allowing Bulgaria and Romania to join the border-free Schengen zone is likely to spur irregular migration through Turkey and the Black Sea».
