Europakommisjonen presenterte 22. juni ei ny grønbok om modernisering av direktivet om godkjenning av yrkeskvalifikasjonar. Moderniseringa av direktivet er eitt av tolv forslag i styrkinga av den indre marknaden.
Kommissær Michel Barnier meiner eit modernisert direktiv vil «make the European economy more competitive while encouraging growth and job creation […] We need to make it easier for professionals to go to where job vacancies exist».
Planar om eit europeisk yrkeskvalifikasjonsbevis (”Professional card”), for å letta prosessen for personar som søkjer arbeid i utlandet, er med i grønboka. I ei høyring tidlegare i år, hadde Helse- og omsorgsdepartementet følgjande innvendingar mot eit slikt bevis: «”Professional Card” anbefales ikke når det gjelder helsepersonell så sant dette ikke til enhver tid er oppdatert. ”Professional Card” gir en status over kompetanse og anmerkninger i utstedelsesøyeblikket. Den gir ingen garanti for forhold som kan ha påløpt etter utstedelse og kan således gi falsk informasjon om helsepersonellet.».
Europakommisjonen ønskjer no å få nye innspel i ei open høyring fram til 20. september. Kommisjonen vil deretter arrangera konferanse om tema 7. november, og eit lovforslag kan ventast i desember.
