EU/EØS-handboka frå Utanriksdepartementet har kome i ny utgåve. Målgruppa er tilsette i forvaltinga som arbeider med EU/EØS-saker.
Oppdatert utgåve har vore utsett til EU fekk på plass ny organisering etter Lisboatraktaten, mellom anna innføringa av ny utanriksteneste: «Dette er reformer av særlig betydning for Norge og arbeidet med EU/EØS i forvaltningen».
Vidare kan ein mellom anna lesa følgjande (s.56): «UD/EU-delegasjonen har som målsetting å engasjere alle berørte departementer i en tidlig fase, slik at norske posisjoner kan utformes tidlig nok til at de kan brukes i arbeidet over Kommisjonen, Rådet og Parlamentet. I denne forbindelse er det viktig at departementene sørger for tilstrekkelig politisk forankring gjennom tidlig behandling i regjering og orienteringer for Stortingets europautvalg».
I førre veke kom også ein rapport om nye EU-utfordringar for norsk forvalting, til dømes at Europakommisjonen fremjar stadig fleire forslag som går på tvers av politikkområde og at talet på EU-byrå aukar. Rapporten etterlyser tiltak for å styrkja EU/EØS-kompetansen i forvaltinga.
