På møtet i EFTA-rådet 15. februar presenterte Sveits, som har formannskapen denne våren, EFTA sine prioriteringar på frihandelsområdet for første halvår i 2012.
Å koma lengre i forhandlingane med Russland, Kviterussland og Kasakhstan om ei handelsavtale var blant prioriteringane. Rådet tok også opp status i fellesforhandlingane med desse landa, og viste til nylege forhandlingsframsteg særleg når det gjaldt industri- og landbruksprodukt.
Utanriksminister Jonas Gahr Støre forsvara forhandlingane med Kviterussland i førre møte i Europautvalet ved at utelating av landet ville «gjøre det vanskelig å fortsette forhandlingene med Russland. Så er ikke dette bare Norges avgjørelse, det er også noe våre EFTA-partnere, som også her inkluderer Sveits, deltar i»
I tillegg ønskjer EFTA mellom anna å leggja vekt på følgjande denne våren:
- Signering av handelsavtale med Bosnia- og Hercegovina
- Starta forhandlingar med fleire mellomamerikanske land
- Fullføra forhandlingane med India
Alle EFTA-prioriteringane er lista opp her.
