Noreg er, saman med Island og Liechtenstein, raskare enn EU på å implementera direktiv i nasjonalt lovverk.
EFTAs overvakingsorgan ESA si halvårige oversikt over gjennomføring av reglar for den indre marknaden viser at Noreg, Island og Liechtenstein samla har «Best results ever recorded», og at etterskotet for landa berre ligg på 0,5 prosent. For EU-landa er dette talet 1,2 prosent.
Noreg sitt etterskot har gått ned frå 1 til 0,6 prosent sidan siste måling. Samtidig tar innføringa meir tid, frå 4,1 månader til 8,5 månader. Innlemminga av forordningar blir også måla av ESA, og der har Noreg redusert talet på forseinka implementerte forordningar frå 14 til åtte.
ESA kjem med følgjande tilråding framover: «It is recommended that the EEA EFTA states focus on long overdue directives to reduce the transposition delays».
