Europakommisjonen presenterte 7. mai ein rapport om gjennomføringa av direktivet for audiovisuelle medietenester (AMT-direktivet) i EU.
Rapporten tar føre seg ulike reklameformer, mellom anna alkoholreklame. I EU-landa dekkjer alkoholreklame mellom 0,8 prosent og 3 prosent av den totale annonsemarknaden i audiovisuelle medietenester. I innføringa av direktivet har 22 medlemsland innført strengare reglar når det gjeld alkoholreklame som handlar om kanalar, produkt og spesielle tidspunkt i døgnet.
Kommisjonen varslar også ei høyring om tilkopla internett-TV i 2012, og ei oppdatering av retningslinjer når det gjeld TV-reklame i 2013.
25 medlemsland har valt å innarbeida direktivet i nasjonalt lovverk, medan Belgia og Polen enno ikkje har gjort dette. I Noreg har regjeringa varsla å ta inn direktivet.
