Parlamenta i 11 EU-land har kome med innvendingar mot forslaget frå Europakommisjonen om å oppretta ei eiga EU-påtalemakt. Det blei resultatet etter at nærleikskontrollen blei avslutta denne veka. Sveriges riksdag er blant parlamenta som meiner forslaget er i strid med nærleiksprinsippet, også parlamenta i Storbritannia og Frankrike har kome med innvendingar.
Kommisjonen har føreslått at eit påklagarkontor i EU-regi skal ha rett til å gjera påtalar i saker på tvers av medlemslanda, når det handlar om brot mot EUs økonomiske interesser. I si fråsegn viser Riksdagen til at bedrageriet med EU-midlar varierer stort i medlemslanda, og at den føreslåtte ordninga vil ramma alle EU-landa på ein altfor inngripande måte.
Trass i «gult kort» frå parlamenta, meiner Kommisjonen likevel at ein kan få på plass ei EU-påtalemakt. Då må minst ni medlemsland velja å vedta ei slik ordning gjennom såkalla forsterka samarbeid. Dette er noko EU-formannskapslanda til neste år, Italia og Hellas, truleg vil få på dagsordenen.
