I januar vil EU opna medlemskapsforhandlingar med Serbia, det blei det semje om i Utanriksrådet 17. desember.
For Albanias del blei det utsett, etter at blant anna det nederlandske parlamentet på førehand hadde stemt nei til forslaget om å gi landet kandidatstatus. I tillegg skal også Danmark og fleire andre EU-land ha sagt nei til å gjera Albania til kandidatland. Rådet vil prøva igjen i juni 2014, og ei avgjerd krev semje blant alle medlemslanda.
Kroatia brukte åtte år på medlemskapsforhandlingane, frå forhandlingsstart i 2005 til det blei nytt EU-land i juli i år. Medlemskapsforhandlingane med Serbia skal truleg begynna 21. januar.
