EFTAs overvakingsorgan, ESA, sendte i går ut grunngjeven uttale til Noreg, Island og Liechtenstein, fordi landa ikkje har samkøyrt nasjonal lovgjeving med reglane i yrkeskvalifikasjonsdirektivet.
Fristen for å implementera direktivet i Noreg var 1. juli 2009. ESA kan ta saka til EFTA-domstolen om det ikkje blir gjennomført tilfredsstillande tiltak innan to månader.
Direktivet handlar om gjensidig godkjenning av yrkeskvalifikasjonar i EØS-området, og har som mål å fremja ein fleksibel arbeidsmarknad for mellom anna helsepersonell over heile Europa.
