Ny OECD-statistikk viser at mange av EU-landa slit med å nærma seg forpliktinga om å yta 0,7 prosent av nasjonal inntekt til bistand innan 2015.
Som følgje av finanskrisa kutta nokre av dei største EU-økonomiane bistandsbudsjetta i fjor: Tysklands kutta med 12 prosent, og er no nede i 0,35 prosent av inntektene. Italia minska bistanden med 31 prosent, og er nede i 0,16 prosent.
Samtidig viser statistikken at Danmark er det einaste skandinaviske landet som har kutta i bistanden sidan 2001, deira bistandsbudsjett utgjorde 0,88 prosent av nasjonale inntekter i 2009.
Dei siste månadane har det vore diskusjonar om ansvaret for EUs utviklingspolitikk skal liggja hos Rådet eller Kommisjonen. Regjeringssjefane i EU-landa har ønskt at EUs utviklingspolitikk bør vera blant oppgåvene til den nye høgrepresentanten for utanrikssaker.
Ein rådgjevar for britiske styresmakter uttala nyleg til EUobserver at inkludering av utviklingspolitikk i arbeidet til høgrepresentant Ashton kan resultera i auka fokus på bistandsarbeid, og kanskje bidra til at bistandsmåla blir nådd.
