Førre veke starta landbrukskommissær Dacian Ciolos ein diskusjonsprosess om korleis landbrukspolitikken i EU skal vera etter 2013.
Dagens landbruksstøtte utgjer 40 prosent av heile EU-budsjettet, og fleire EU-land er splitta i synet på offentleg støtte til landbruket. Ciolos uttala i Europaparlamentet at ein bør innsjå at det ikkje kan handla om ein einsarta europeisk landbruksmodell lenger, men at det samtidig ikkje betyr at ein skal gjenoppliva nasjonal politikk på kostnad av fellesskapen.
EU-kommisjonen inviterer no alle til å ta del i debatten via ei ny diskusjonsside som er oppretta.
Samtidig har Landbruks- og matdepartementet her heime varsla ny stortingsmelding om landbruks- og matpolitikken.
