Den belgiske EU-ambassadøren, Jean de Ruyt, presenterte nyleg prioriteringane til det komande halvåret med belgisk EU-formannskap:
- Vidare implementering av Lisboa-traktaten. Målet er å stabilisera nye institusjonar innan utgangen av året (t.d. utanrikstenesta).
- Handtering av økonomisk og finansiell krise. Her spelar leiinga av rådsmøta knytte til økonomi- og finanssaker ei sentrale rolle for formannskapslandet.
- Arbeidet med EU-patent er viktig for fullføringa av indre marknad.
- Førebuingar til klimakonferansen i Cancun skal sikra ambisiøse EU-mål.
Innanfor justis- og innanriksområdet trakk ambassadøren fram asyl og immigrasjon som eit satsingsområde, samt arbeidet med felles skilsmissereglar for enkelte medlemsland.
I spørsmål knytt til utviding ville det vera viktig for stabiliteten på Balkan at søkjarlanda opplevde framgang i prosessen, og Kroatia blei her nemnt som det sentrale landet.
Belgia tek over leiarrolla frå Spania 1. juli.
