EU-kommisjonen har presentert arbeidsprogrammet for neste år, og i pressemeldinga blir fem prioriteringar trekt fram for 2011:
- Oppretthalda den sosiale marknadsøkonomien gjennom krisa og utover (mellom anna lovverk for handtering av framtidige bankkriser).
- Gjenoppretta vekst når det gjeld arbeidsplassar.
- Styrkja rettane, fridomen og rettferda til borgarane (til dømes styrking av forbrukarrettane).
- Europa som aktør på den globale scenen (mellom anna støtte til den nye utanrikstenesta i EU).
- Få mest muleg ut av politikken i EU (vektlegging av til dømes smart regulering).
Arbeidsprogrammet har fire vedlegg:
- Liste over 40 strategiske initiativ som Kommisjonen er forplikta til å levera i 2011 (vedlegg I).
- Liste med 89 andre mulege tiltak som er i førebuing (vedlegg II).
- Liste over forenklingsframlegg og -uttak (vedlegg III og IV).
Programmet skal no presenterast i dei ulike nasjonalforsamlingane i EU. I ein tale til gårsdagens COSAC-møte uttrykte kommisjonspresident Barroso at dei ulike forsamlingane bør trekkjast tidlegare inn i utforminga av arbeidsprogrammet, og føreslo mellom anna å bruka sommarmøtet i COSAC til slik planlegging.
