EU-kommisjonen la i førre veke fram ein handlingsplan som skal sikra barns utvikling gjennom førskuleundervising og barnepass. Tidleg undervising og pleie blir sett på som eit viktig grunnlag for livslang læring, sosial integrasjon, personleg utvikling og framtidig arbeidsliv.
Kommisjonen kjem med fleire framlegg, og oppmodar mellom anna om:
- Allmenn førskuleundervisning basert på stabil finansiering og god forvalting
- Integrert tilgang til utdanning og pass
- Undervisingsplanar som passar alder og har den rette balanse mellom harde og mjuke ferdigheiter
- Fokus på personale når det gjeld kvalifikasjonar, lønningar og arbeidsvilkår
- Kvalitetssikring og standardar til å overvaka framsteg
Planen blir tatt opp på møte i Rådet i mai.
