Justisdepartementet i Sverige presenterte i dag (6.april) ei utgreiing om forsterka politisamarbeid i Norden og EU. Utgreiinga føreslår at det svenske politiet i større grad enn i dag skal kunna dra nytte av samarbeidet med politiet i andre nordiske og europeiske land. Det blir også føreslått å utvida felles tenestegjering for nordisk politi.
Utgreiinga tek utgangspunkt i grenseoverskridande politisamarbeid, som blir gjort muleg gjennom vedtak i EU, i Prüm-avtala og Atlassamarbeidet (europeisk samarbeidsorganisasjon for politiets spesielle innsatsgrupper).
I kapittel 5.5 står det om Noreg og norsk tilknyting til svensk politi, Prüm-avtala og Atlassamarbeidet.
