Svenskane meiner forbodet mot snussal er i strid med prinsippet om fri flyt av varer i den indre marknaden. «Det finns en ökad förståelse bland övriga EU-länder för att situationen inte är konkurrensneutral» seier handelsminister Ewa Björling i forkant av møtet i Rådet for konkurranseevne 30. mai.
Forslag til endring av tobakksdirektivet vil bli lagt fram rundt årsskiftet 2011/2012, og den svenske regjeringa ønskjer å påverka utforminga for å få fjerna forbodet mot sal av snus i Europa.
Tobakksdirektivet forbyr omsetjing av snus i EU, med unntak for Sverige (Noreg har også unntak i EØS-avtala). Ei føremon for unntaket er at landa har tiltak som hindrar marknadsføring av snus i andre medlemsland.
Etter ei høyring i haust presenterte Kommisjonen tre framtidige alternativ for snus:
1. Ingen endring
2. Fjerna forbodet mot snus
3. Forby alle typar røykfrie tobakksprodukt
Noreg og Island sendte 17. desember 2010 eit felles høyringssvar, kor dei støtta det tredje alternativet.
