Tyske styresmakter kritiserte nyleg Danmark for planane om å byggja anlegg på den tyske grensa: «As long as the European Commission has yet to form its opinion, it is incomprehensible to create facts on the ground already».
Etter ei synfaring i Danmark i juli var Europakommisjonen raske med å utsteda ei kritisk erklæring om den danske innføringa av grensekontroll. Kommisjonen meinte danskane hadde mislukkast i å rettferdiggjera grensekontrollen og at sikkerheitssystemet på grensene mot Sverige og Tyskland ville krevja streng overvaking. Europakommisjonen ønskjer no fleire detaljar frå danske styresmakter og seier det kan vera nødvendig med nye besøk til Danmark før dei kjem med endeleg avgjerd.
Den danske EU-eksperten Peter L- Vesterdorf har også kommentert den nye grensekontrollen: «Det er alment kendt i EU-retten, at systematisk kontrol er forbudt. Selvfølgelig er der kontrolmuligheder på toldområdet, men de må ikke være systematiske og permanente. Og permanent stikprøvekontrol er en absurditet. Det er næsten en selvmodsigelse».
«From a formal point of view steps taken by Italian and French authorities have been in compliance with EU law. However, I regret that the spirit of the Schengen rules has not been fully respected», sa innanrikskommissær Cecilia Malmström 25. juli, som kommentar til den fransk-italienske grenseinnstramminga i samband med migrasjonsstraumane frå Nord-Afrika det siste halvåret.
Europakommisjonen ønskjer å utarbeida klarare retningslinjer for utsteding av opphaldsløyve, samtidig ønskjer ikkje dei enkelte medlemslanda meir innblanding frå kommisjonen i korleis dei skal vakta sine eigne grenser.
Statewatch skreiv nyleg om dei planlagde Schengen-verktøya for informasjonsinnhenting ved grenseovergangane: «Small steps to big brother». European Policy Centre har publisert eit notat med tittelen: Internal border controls in the Schengen area: much ado about nothing?
