Noreg, Island og Liechtenstein støttar EUs arbeid med forenkling av direktivet for yrkeskvalifikasjonar.
I ein felleskommentar til grønboka erkjenner EØS/EFTA-landa betydinga av å oppmuntra til mobilitet av fagfolk over heile EØS-området.
I innspelet blir det også uttrykt støtte til eit «Professional Card», som blir sett på som særleg nyttig for regulerte harmoniserte yrker, men landa legg til: «However, the way in which such a card is implemented needs to be carefully considered». Språkkunnskap blir løfta fram som nødvendig for helsepersonell.
I tillegg ønskjer EØS/EFTA-landa at dokumentasjon for godkjenning av yrkeskvalifikasjonar er lett tilgjengeleg, for å betra funksjonen til den indre marknaden, samt at utviklinga i utdanningspolitikken også skal takast omsyn til.
Europakommisjonen vil i lys av høyringa arrangera konferanse om temaet 7. november, og eit lovforslag kan ventast i desember.
