EFTAs overvakingsorgan ESA behandla fleire komplekse saker i fjor, som gjaldt både brot på reglane i den indre marknaden og brot på statsstøttereglar. Det kjem fram i årsrapporten til overvakingsorganet, som for første gong er tilgjengeleg i norsk omsetjing.
Fleire ESA-saker blei også sendt vidare til EFTA-domstolen, som fekk 19 nye saker i fjor (det høgste talet nokosinne).
Årsrapporten inneheld kort omtale av fleire saker:
- Indre marknadssaker: Icesave, avgrensingar for børseigarskap, utflyttingsskatt, lønsvilkår i offentlege kontraktar, etterlatnepensjonar, ingen turnusplikt for utanlandske legar, arbeidsledigtrygd for EØS-arbeidarar, avgrensingar på barnetrygd, forbod mot bruk av vannskuterar, busskontraktar i Aust-Agder.
- Statsstøttesaker: Hurtigruta, Asker brygge, sal av kraft konsesjonar, Nox-ordninga.
- Konkurransesaker: Color Line, Posten.
Ved nyttår hadde ESA i alt 501 pågåande saker, som var rekordlågt for overvakingsorganet.
