Endringar i folketal i Europa og Kroatias inntog i EU gjer at samansetninga av medlemmer i Europaparlamentet vil bli annleis etter neste val i 2014.
Lisboa-traktaten slår fast at det skal vera 751 representantar i parlamentet, og difor har parlamentsmedlemen Andrew Duff (Liberal, Storbritannia) utarbeidd eit nytt forslag til fordeling.
Viss forslaget vinn fram vil dei fleste EU-landa bli representert av færre parlamentsmedlemmer, og det gjeld også Danmark, Finland og Sverige. Berre Frankrike, Storbritannia, Italia og Spania kan venta seg større representasjon i parlamentet.
