EUs 7. rammeprogram (FP7) er inne i sitt siste år, og Forskingsrådet har publisert nye tal over norsk deltaking i FP7 frå 2007 til og med 2012:
- Noreg har henta ut over 4,7 milliardar kroner i EU-støtte via si deltaking i FP7, og den norske andelen av all tilgjengeleg støtte i FP7 ligg på 1,7 prosent.
- Norske aktørar deltar/har deltatt i 1183 prosjekt som er innstilt for støtte i rammeprogrammet, i tillegg til 131 prosjekt i aktivitetar i randsona av FP7.
- Noreg deltar i 6,4 prosent av alle innstilte prosjekt.
- Prosjektsøknader med norsk deltaking har høgare godkjenningsprosent enn gjennomsnittet (23,7 prosent mot 20 prosent).
- Norske aktørar i instituttsektoren mottar mest støtte, følgd av universitets- og høgskulesektoren og bedrifter. Det er Sintef som er den største norske aktøren i rammeprogrammet.
FP7 blir til neste år avløyst av Horisont 2020, som skil seg frå tidlegare rammeprogram ved at det også inkluderer innovasjon.
Denne veka blei også forskingsbarometeret 2013 lagt fram, og det viser at Noreg er det einaste landet som ikkje har nådd EU-målet om at tre prosent av brutto nasjonalprodukt skal gå til forsking, i tillegg til at det blir brukt mindre pengar på forsking enn i dei nordiske nabolanda. I neste veke skal forskingsmeldinga behandlast i Stortinget.
