Irland håpar på støtte i EU for å unngå ei redningspakke og dermed streng styring av økonomien, slik avtala blei for Hellas i vår. Men investorane manglar tillit til Irland, og skyr no statsobligasjonane deira, skriv Aftenposten.
Irland slit med eit underskot på statsbudsjettet på 12 prosent av BNP, og har lova EU å pressa det ned til tre prosent innan 2014. Stabilitetspakta krev at eurolanda skal halda underskota under tre prosent.
Dersom landet ikkje får opp tilliten og interessa for statspapira, kan det gå tomt for pengar i løpet av 2011, skriv Bloomberg.
