Under dagens møte i Ministerrådet blei det vedteke at borgarar frå Albania og Bosnia-Hercegovina, med biometriske pass, kan reisa visumfritt til heile Schengen-området. I fjor blei det same vedteke for Serbia, Makedonia og Montenegro.
Frå fleire EU-land er det uttrykt skepsis til opphevinga av visumkrava. Nederland peikar mellom anna på problema med demokratisering, organisert kriminalitet og korrupsjon i Albania og Bosnia-Hercegovina.
I Noreg har ein hatt biometriske pass i fem år, men det er først no ein har planar om å utnytta dette, uttalar Magnar Aukrust i justisdepartementet til Computerworld: «Vi jobber mot å installere lesere av den biometriske informasjonen i løpet av neste år».
Biometriske pass er ein del av Schengen-samarbeidet, og fleire land vil no starta utplassering av lesarutstyr på grenseovergangar.
