EFTA opna nyleg frihandelsforhandlingar med Costa Rica, Honduras, Nicaragua og Panama.
Varehandelen mellom EFTA og dei fire mellomamerikanske landa skal ha auka betydeleg det siste tiåret, og utgjorde nesten éin milliard amerikanske dollar i 2011.
EFTA har i dag 24 frihandelsavtalar som omfattar 33 land (fire er ikkje ratifiserte i Noreg enno, mellom anna avtala med Colombia), og har pågåande forhandlingar med åtte land i tillegg til forhandlingane med dei fire mellomamerikanske landa.
