Europakommisjonen opna 15. mai sitt nye senter for kriseberedskap, Emergency Response Centre (ERC). Senteret vil leggja til rette for raskare og meir effektiv respons på natur- og menneskeskapte katastrofar.
Senteret skal vera i drift døgnet rundt, vera i stand til å handtera tre samtidige kriser i ulike tidssoner og ha ansvar for å koordinera innsatsen på ulike nivå: Kommisjonen, medlemslanda, dei aktuelle landa som er råka og humanitære partnerar.
Noreg er, på lik linje med EU-landa, medlem i samordningsmekanismen for sivil beredskap og krisehandtering. Ny lovgiving er under arbeid, og etter kvart vil dei 32 landa som deltar i samarbeidet kunna gjera fly, utstyr og søk- og redningsgrupper klare til ein raskare og betre koordinert europeisk respons når behovet oppstår.
