Bulgaria og EUs støttekontor for asylsaker, EASO, har blitt einige om ein eittårig plan for å betre kunna handtera behandlinga av asylsøkjarar i Bulgaria.
Avgjerda kom raskt, etter at Bulgaria denne veka måtte be asylkontoret om bistand fordi asyl- og mottakssystemet hadde kome under sterkt press etter betydeleg auke i talet på asylsøkjarar frå Syria. EASO skal no støtta Bulgaria i mellom anna registreringa av asylsøkjarar, samt sørgja for korrekt asylbehandling av einslege mindreårige og sårbare personar.
Kureren.no skreiv nyleg at Bulgaria har planar om å byggja mur mot Tyrkia på grunn av den plutselege tilstrøyminga av syriske flyktningar: «Ifølge viseminister Marinov er det til nå blitt registrert 6503 syrere som har bedt om asyl i Bulgaria, og bulgarsk politi anslår at dette i løpet av årets slutt vil ha økt til 11.000. En stor andel av de syriske flyktningene kommer inn i landet illegalt, det vil si utenom de ordinære grenseovergangene mot Tyrkia.»
Schengen-medlemskap til Bulgaria er framleis blokkert av enkelte EU-land i Rådet.
